RSS Feed

27 May, 2016 04:06

Posted on

NADEEM MALIK LIVE

http://videos.samaa.tv/NadeemMalik/

26-MAY-2016

پاناما پیپرز پر حکومت اور اپوزیشن کے درمیان ابھی کچھ طے نہیں ہوا لیکن چیزیں آگے کی طرف بڑھ رہی ہیں۔ سعید غنی کی ندیم ملک لایو میں گفتگو

حکومت کے ٹی او آرز کے جواب میں سپریم کورٹ نے جو خط لکھا ہے اس کی تجاویز حکومت کو شامل کرنا پڑیں گی۔ سعید غنی

حکومت اور اپوزیشن کچھ نقاط پر آگے ضرور بڑھے ہیں لیکن میں نہیں سمجھتا کہ آسانی سے کوئی اتفاق رائے ہو جائے گا۔ سعید غنی

اپوزیشن میں ٹی او آرز پر اتفاق رائے نہیں ہے عمران خان اپوزیشن کے نواز شریف کے استعفے کے مطالبے سے پیچھے ہٹنے پر خوش نہیں ہیں۔ صفدر عباسی

ٹی او آرز کے بعد کمشن بننے سے میرا نہیں خیال کہ کوئی بہت بڑا فرق پڑے گا۔ صفدر عباسی

زرداری صاحب بلاول سے کہلوا رہے ہیں کہ نواز شریف استعفی دے اور خود ان سے بات چیت کر رہے ہیں۔ صفدر عباسی

یہ بات بڑی خوش آئیند ہے کہ سپریم کورٹ نے کمشن بنانے کے لئیے ایک نیا قانون بنانے کا کہا ہے اب تک تمام کمشن انیس سو چھپن کے آئین کے تحت ہی بنے ہیں۔ رانا ثنا اللہ

پاناما پیپرز کا اشو جہاں تک مرضی چلا جائے اس کا کوئی قانونی نتیجہ نہیں نکلے گا کمشن چاہے جتنی بھی انکوائری کر لے۔ رانا ثنا اللہ

جب سے عمران خان کی اپنی آف شور کمپنی سامنے آئی ہے اب ان میں پاناما پیپرز کے معاملے کا کوئی سیاسی یا اخلاقی اثر باقی نہیں رہا۔ رانا ثنا اللہ

عمران خان نے کہا ہے کہ جو ٹی او آرز نواز شریف پر لگیں ان پر بھی وہی لگائے جایں۔ اسد عمر

عمران خان اپنا پیسہ باہر سے ملک میں لے کر آئے کونسا ایسا ٹیکس ہے جو انہوں نے ادا نہیں کیا۔ اسد عمر

قوم کو حق پہنچتا ہے کہ اسے سچ بتایا جائے اگر عمران خان غلط ہے تو اسے سزا ملے اور اگر نواز شریف غلط ہے تو اسے سزا ملے۔ اسد عمر

پیپلز پارٹی یا پی ٹی آئی جس جس کا بھی آف شور کمپنیوں میں نام آتا ہے اس کے خلاف کاروائی کی جائے۔ سعید غنی

کیا ٹی او آرز میں یہ لکھا ہے کہ نوا شریف کو تو سزا ملے لیکن اپوزیشن کو نہ ملے۔ سعید غنی

میاں صاحب پھنس چکے ہیں انہیں استعفی دینا چاہئیے۔ صفدر عباسی

کاروباری آدمی کی ساکھ ہی سب کچھ ہوتی ہے بینک اسے اس کی ساکھ پر بھی قرضہ دے دیتا ہے۔ رانا ثنا اللہ

نواز شریف کے والد نے جب اٹھارہ ماہ میں چھ فیکٹریاں لگائی تھیں تو اس وقت وہ سیاست میں نہیں تھے۔ رانا ثنا اللہ

رانا ثنا اللہ کا یہ کہنا غلط ہے کہ بنک صرف کاروباری ساکھ پر بھی قرضہ دے دیتا ہے بینک ہمیشہ بغیر کسی گارنٹی یا جائیداد کے قرضہ نہیں دیتا۔ اسد عمر

میاں صاحب نے یہ کہہ کر کہ ان کے والد نے انیس سو اسی میں دبئی میں فیکٹری لگائی تھی اپنے والد پر منی لانڈرنگ کا الزام لگایا ہے۔ اسد عمر

میرے خیال میں بی سی سی آئی نے میاں صاحب کی دبئی میں فیکٹری لگانے میں مدد کی تھی۔ صفدر عباسی

احتساب کرنا ہے تو پھر احتساب کے ادارے کو سر جوڑ کر بیٹھنا ہو گا اور قانون میں بھی تبدیلی کرنی پڑے گی۔رانا ثنا اللہ

اپوزیشن چاہتی ہے کہ دو ہزار اٹھارہ کے الیکشن تک پاناما پیپرز کا معاملہ حل نہ ہو تا کہ وہ اسے الیکشن میں استعمال کر سکیں۔ رانا ثنا اللہ

قانون کے مطابق نواز شریف سے پوچھا جائے گا کہ آپ نے لندن میں اربوں روپے کے فلیٹس کس طرح خریدے۔ اسد عمر

سیاست دان احتساب نہیں کریں گے تو پھر لوگ دوسری طرف دیکھیں گے۔ اسد عمر

سیاست دانوں کا نام کافی خراب ہو چکا ہے انہیں احتساب کا عمل آگے چلانا پڑے گا۔ صفدر عباسی

پی ٹی آئی پاکستان میں جمہوریت، ترقی اور نظام کے خلاف ہے۔ رانا ثنا اللہ

پی ٹی آئی فوجی مداخلت کے خلاف ہے لوگ موجودہ نظام کو جمہوری نہیں مانتے۔ اسد عمر

جس طرح سیاست دانوں پر کرپشن کا الزام لگا دیا جاتا ہے کسی اور پر نہیں لگایا جاتا۔ سعید غنی

About NadeemMalikLive

NADEEM MALIK LIVE IS A FLAGSHIP CURRENT AFFAIRS PROGRAMME OF SAMAA.TV

Comments are closed.

%d bloggers like this: